عرض حصري عمرة الى الأراضي المقدسة بأرخص الأسعار

رحلة عمرة بأرخص الأسعار و حصرياً لمتابعين صفحة

الشرط الوحيد ان يكون المسافر حامل لجنسية اوروبية او تركية او دول اخرى.
يجب التقديم على الفيزة السياحية التي تخول حاملها بالدخول والخروج المتعدد للأراضي السعودية مع اقامة 90 يوم وصلاحية سنة، من خلال الرابط:
‏https://visa.visitsaudi.com
🕋رسوم الفيزا 122€
🕋يتم ارسال الفيزة خلال دقائق للإيميل بعد ادخال بياناتكم و اتمام عملية الدفع
بطاقة الطيران يتم حجزها بشكل حر، كمثال الرحلة التالية بسعر 131€ للشخص الواحد، الذهاب بتاريخ 22.02.2024 والعودة بتاريخ 14.03.2024:
‏https://wizzair.com/en-gb#/booking/select-flight/VIE/JED/2024-02-07/2024-02-22/1/0/0/null

يمكن الحجز من مطارات اخرى والعودة من جدة او من المدينة المنورة كمثال.
يمكن حجز الفندق اونلاين كمثال الفندق التالي الذي يبعد عن الحرم المكي 800 متر تقريباً وبتكلفة 20€ لليلة الواحدة للغرفة الواحدة المزودة ب3 اسرة:
‏https://maps.app.goo.gl/sYJAn9GD47K6vg1XA?g_st=ic
لحجز قطار للتنقل بين مكة والمدينة:
‏https://sar.hhr.sa/ar/mobile-web
🕋يجب حجز القطار قبل يومين او ثلاثة للحصول على ارخص الأسعار

https://wizzair.com/en-gb#/booking/select-flight/VIE/JED/2024-02-07/2024-02-22/1/0/0/null

https://whatsapp.com/channel/0029Va4vNkAAYlUEp1y8CY37

منشور عن تجارب العمرة بشكل فردي من دون مكتب

السلام عليكم ورحمة الله وبركاته ،

الحمدلله عملت #عمرة انا و عائلتي بدون مكتب حجزت كلشي لحالي و حابب أفيد أي شخص يحب يروح من تجربتي ل زيارة #مكة المكرمة او #المدينة المنورة

بسم الله الرحمن الرحيم والصلاة والسلام على سيدنا محمد خير الخلق هذا البوست موجه للاخوة المسلمين اللي حابين يعملون عمره بدون مكتب للناس الدرويش الي مثلي حابين يعملون عمره بأقل التكاليف مع طفلين تحت الخمس سنوات نحن نحمل الكل الجنسية الألمانية

او أشخاص لحالهم نسأل الله رب العالمين أن يعيننا على الشرح

البوست طويل جداً معه تفاصيل كثيرة ممكن تنفعك وممكن لا و قابل للتعديل و الإضافة ف سامحوني.

‏التحضير للسفر:

قبل تقريبا ثلاث ل أربع شهور بدأت حجز الطيران بما انه أنا مسافر مع طفلين وحاولت إني ابحث عن طيران مباشر بدون تبديل خاصة لانه أنا مسافر مع أربع شناط كبار وخمسة وستين مع ثنتين ظهر وأربعة شناتي هاندباك

‏لانه أنا ساكن في ألمانيا وما في طيران مباشر غير عن طريق الخطوط الجوية الغالية سعرا

‏لقيت أرخص طيران

wizz air

في عندهم اشتراك سنوي إنك تشترك معهم تدفع مبلغ حوالي 70 يورو بحقل لك تخفيض على قلت كنت أشتريها لك للأشخاص اللي مسافرين معاك عشرة يورو

‏يعني أنت كذا حق مثلا 150 بما إنك أنت مشترك معهم يصير 140 يورو

‏هالشي يشمل كل تذكرة الطيران أنت تحجزها بس أنت لازم تكون مسافر معهم

‏ بما إنه نحنا مسافرين ذهب وإياب أربع اشخاص فقررت اشترك معهم ادفع 70 وفر على حالي عشرةً يورو كل

والمرة خير من المرات القادمة لأن نحنا وين مسافر مرة ثانية نكون وفرنا كمان 80 €

هاي اول سبب اما الثاني هوا انه يصير

Online check in

قبل 30 يوم تقريبا

في عندهم بكل طيران 3 عروض

اما

‏Basic

حقيبة ظهر او هاند باغ مقاس 40 * 30 * 20

هاي بتكون مجاناً و اقل سعر

او

‏Wizz GO

حقيبة ظهر بالقياس السابق و شنطة تسلمها ل تروح تحت لحد 20 كيلو غرام مع حقيبة صغيرة بدواليب صغيرة الحجم تكون مقاساتها

55-40-23

راح نزل صورها

او

Wizz Plus & Flex

هاي بتكون نفس الي قبلها لكن زيادة وزن لحد 32 kg مع تشيك آن أوتوماتيك

مع إمكانية تغيير موعد الرحلة وكثير أشياء ممكن تهمك وممكن لا الأفضل تقرأ عنهم اذا مهتم .

في عندهم عروض للشراء الأكلات على طائرة و تخفيضات غير انه في إمكانيات حجز شريحة اتصال إلكترونية او تأجير سيارة او توصيل للمطار

الشنطة او الحقائب طلبتهم جديدة من امازون حسب مواصفات محددة لعدد من الأسباب

اول شي هي مناسبة ل قطار الحرمين

معاها حقيبة إضافية تطلع ع طيارة و تنحط ع يد الشنطة لسهولة الحمل .

مناسبة انه العجلات تتحرك 360 درجة و سهلة الاستخدام

طيران ترانزيت ممكن تلاقي أسعار جديدة لكن في تبديل الطائرة واحتمال كبير انه لازم تعمل تيشك ان مع استلام و تسليم الحقائب .

‏اعتمدت انه احجز عنطريق فيينا النمسا لأكثر من سبب

اول شي انه في خطين قطار مباشر من مدينتي و ينتهي في فيينا النمسا

القطار الأول NJ قطار منامه يبدأ في أمستردام هولندا و ينتهي في فيينا النمسا

قطار ثاني ICE يبدأ في دورتموند ألمانيا (في من كولن اول محطة ) و ينتهي في فيينا النمسا .

حجزت ذهاب عن طريق خطوط السكك الحديدية النمساوية لانه كان ارخص ب 50% من خطوط السكك الحديدية الألمانية.

ÖBB, Abkürzung für Österreichische Bundesbahnen

في الهم تطبيق و التسجيل فيه سهل .

بعد ما حجزت الطيران و القطار صرت ابحث عن خيارات السكن لانه كنت حابب ابقى في فيينا لثلاث أيام و قررت انه كون بالمنطقة القريبة من محطة القطار الأساسية منشان ما اتلبك مع الأطفال و الحقائب وهالشي كان جيد بالنسبة الي ،

توفير الوقت اولا و بعدها تكاسي من محطة القطار الى الفندق و العكس .

حجزت الفندق عن طريق برنامج تشيك 24 وكان ارخص بكثير من حجز مباشر او بوكينغ

اذا كنت مسافر بدون اطفال اسكن باي منطقة ب فيينا تذكرة اليومية 8€ للشخص البالغ وهي تشمل فقط مدينة فيينا .

او احجز في اوتيل مطار و خذ تيكت يومي ١٩ يورو ذهاب اياب متعددة لكن هالتيكت ما تخولك انه تمشي فيها المدينة انتبه .

اوتيل المطار اقرب لكن اغلى.

الأكل بالمطاعم العربية متوسط وجربت احسن 3 مطاعم عربية حسب تقييمات غوغل و الكلام المكتوب في الغروب لكن بصراحة مارح عيدها .

مدينة الألعاب بنصح فيها بشدة و

Wiener Riesenrad

بنصح ب تجربته كلف 34€ شخصين كبار و طفلين

في مولات كثيرة اهمها اسمه bella plus موجود بمحطة القطار وفي كل شي تتمناه ل اكل وشرب حلال مغلف للسفر .

الاتصالات ضمن الاتحاد الأوروبي مجاني و تجوال انترنت لكن انتبه اذا عندك خط فاتورة شيل الشريحة بعد ما تطير الطيارة ل تجنب الرومينغ خارج الاتحاد الأوروبي و فاتورة غير محسوبة

اخذت بعدها قطار من محطة فيينا الى المطار ل شخصين 8.80 € مباشر بدون تبديل

بدك تحسب حسابك وقت الانتظار لتسليم الحقائب طويل جدا جدا جدا مع انه وصلنا قبل ٤ ساعات من موعد طيارتنا والحمدلله كان في صف خاص للناس الي عندهم اشتراك ب Wizz Air .

في رقمين مهمين جدا الي هما PNR / SEQ الي يكون مطلوبين اثناء تسليم الحقائب تشيك ان و ألأفضل يكون مطبوع ورقي ذهاب و اياب

(في مطار جدة لا يقبل ال QR code ولازم انها تكون مطبوعة)

بالفندق الي نزلت فيه طبعت الورقة بدون اي مشاكل لانه نسيت اطبعها ب ألمانيا.

‏ بس قرب موعد انطلاق الرحلة بيصير الأولية للمسافرين على الرحلة القريبة

‏ داخل مطار فيينا بعد ما سلمت حقائبي رحنا التفتيش ممنوع دخول السوائل حتى للأطفال ماعدا اقل من سنتين.

‏داخل المطار فيينا السوق الحرة تقدر تشتري منها ماء و اكل واي شي تحب تشيله ع طيارة .

‏بعض الأخوة أحرمهم من المطار مكان واسع نظيف حمامات جيدة

‏طيران كان جيد المضيفين والمضيفات محترمين جدا كان في شخص واحد يتكلم اللغة الألمانية اما الباقي يتكلمون الإنجليزية بطلاقة

‏مدة السفر أربع ساعات ونص

‏كابتن الطائرة أعلى لنا وصلنا إلى جمهورية مصر الحبيبة في أفريقيا وقبل ساعة أخبرني بقرب وصولنا إلى الميقات

هين ذهبت للحمامات و بدلت ملابسي ولبست لباس الاحرام ،

(الحمام صغير و ع باب الحمام في تعليقة صغيرة مخفية منشان يبقى ملابس الإحرام نظيفة)

أعلن كابتن الطائرة وصولنا للميقات و بدأنا نكبر الله ونحمد.

هالشي مو قاعدة انت لازم تنتبه و تحط مؤقت زمني انه بعد ساعتين و نص ابدل ثيابي و البس الاحرام و قبل ساعة من وصول تقريبا تبدا تكبيرات الاحرام.

وصلنا مدينة جدة بسلام بفضل الله تعالى و توجهنا الى الباص الي اخذنا الى المطار و بدأت إجراءات الفيزا ،

كان في 4 أجهزه إلكترونيه او 5 و موظفه عدد 2 مختصين ل إعطاء الأطفال الفيزا.

وكان في شاب سعودي يساعد الناس في تقديم الخدمات.

سعر الفيزا 480 ريال سعودي حوالي 121 يورو للشخص الواحد

لا يوجد شيء اسمه فيزا عائلية ويجب لكل شخص أن يحصل على الفيزا الخاصة به.

الفيزا 300 ريال و 180 ريال تأمين صحي.

‏بعد ما استلمت الحقائب كنت سائل عن موضوع الشبكة و أفضل شبكة هي

STC +Mobily

‏أنا اخذت خط البداية استيسي عشان يكون عندي إنترنت وقت اتواصل مع الأهلي مباشر بعدها في مكتب المطار

‏اتفقت معه على إني ادفع بالبطاقة مبلغ قدره 200 ريال سعودي في توصيل من مطار جدة الشمالي إلى الفندق في مكة المكرمة

‏اليورو كان شرا 3.8

‏الدفع بالبطاقة كان 3.95

‏مسافة تقريبا حول ساعة وربع إلى الفندق

السيارة كان فيها واي فاي و الشب كثير محترم من باكستان

‏

الحجز بمكة كان عن طريق برنامج بوكينغ لانه مان ارخص من سعر الفندق نفسه لكن ابحث دائما عن طريق غوغل و قارن الأسعار و احجز من البرامج الكبيرة الموثوقة

الاستقبال في الفندق كان جيد جدا بدون مشاكل 5 دقائق كان كل الامور تمشي بسلاسة

‏الفندق في منطقة تقع في حي النسيم

جانب جامع الراجحي

في عدة اوتيلات المنطقة يسكن فيها الغربية ناس من السعودية منطقة هادية للسكن بعيده عن ضجة المدينة

‏مساء مع الغروب الشمس تتوجه اليه اغلبية العائلات ل سهر وخاصة يوم الخميس مساء

المواصلات للحرم المكي سهلة جدا وعندك حلين اما تنزل كل تمام الساعه الى الحرم مع باص الفندق او تأخذ تكسي و انتبه جدا انه ينزلك بالنفق تحت باب الملك فهد عند السلم الكهربائي تصير تحت الحرم مباشرة و التكسي ياخذ من 25 ل 50 انت و قدرتك على المفاصلة والشخص الي عم تفاصله .

لباس الاحرام للأطفال 25 ريال و عباية اطفال مع حجاب 30 ريال جانب الحرم وفي محلات ارخص .

اذا اعتمرت وبدك ترجع تعيد العمرة تقدر تاخذ تكسي افضل لك تاخذه من قدام الأوتيل ل مسجد سيدتنا عائشه وبعدها ل النفق عند السلم الكهربائي باب الملك فهد تقريبا 60 ريال سعودي.

حافلات النقل العام (حافلات مكة ) مجانيه و فعليا تقدر توصلك الى الي مكان انت بحاجة تروح اليه لكن بدك تحسب الوقت و التبديل و تكون

Flexibel

بالبحث عن طريق الإنترنت و تحفظ ارقام المحطات .

تبديل اليورو الى ريال سعودي بالأسواق افضل انا بدلت ع 3.95 و بدلت بشركة نظامية في برج الساعه ب 3.8

مآخذ الكهرباء في السعودية مختلفة عن اوربا يكون مأخذ ثلاثي والافضل تاخذ معك احسن ما تروح تدور عليه عشان توفر وقت طويل وجهد ،

تطبيقات الاكل كثيرة جدا و بنصح انك تطلب علبيت او ع الاوتيل حسب مسكنك و من ضمن التطبيق تقدر تطلب خضار فواكه ادوية الخ الخ .

العمرة ادرسها جيدا في البيت قبل ما تسافر و ايش لازم تعمل و ايش هيا المحرمات و الممنوعات اللي ممكن تسويها في وقت الاحرام .

لما تدخل من باب الملك فهد رحمه الله (79) اول شي ع يمين بيكون في توزيع هدايا للمعتمرين الي هوا

( القران الكريم )

اطلب منهم او ممكن يكون موجود ايضا كتيب صغير عن العمرة راح نزل صورته ان شاء الله.

خذ معاك اثناء العمرة شنطة ظهر خفيفة ألأفضل بدون أسماء أو دعاية لشي شركة لانه الأغلبية لا تحترم تعاليم ديننا الإسلامي الحنيف وخلي معاك فيها محارم مسح و كيسين ل ٣ ل الحذاء اعزكم الله و باوربانك و خلي موبايلكم دايما مشحون لما تخرج و ادفع اون لاين افضل بالفيزا و خذ معاك قارورة الماء صغيرة و يتمّ توزيع ماء السبيل خارج الحرم (سقيا ماء وأنتبه هذه ليست ماء زمزم ) داخل الحرم المكي في ماء زمزم لا تاكل هم العطش لانك راح تشرب بكثرة و عبي معاك زمزم ل تأخذهم بالرجعة الى منزلك.

في تطبيقات كثيرة تساعدك وفيها ادعية كثيرة اذا انت من محبين الكتابة افضل تكتبها بنفسك و أقرأها ضمن الطواف او السعي .

لا تنسى اثناء الطواف اذا عم تعمل هالشي اثناء ما تكون الشمس طالعة انك تدهن واقي شمس لانه عملت عمرة قبل صلاة الجمعة و ضليت ٣ ايام محروق كتفي .

المقص بالصيدليات حقه 25 ريال وبرا حقه خمسة و ألأفضل انك تشتري شي جيد تاخذه معك بس يكون مقص صغير و بالحقيبة تحت بالطائرة.

ادوية مهمة : نصيحة طبية بلش قبل شهر مكملات غذائيه و فيتامينات ل تقوي مناعتك انت و العيلة

لقاح الغريب منصوح به لانه فرق الحرارة بين داخل الفندق و الحرم و التكسي عن شارع كان شاسع و كثير ناس مرضت .

ادوية رشح سعال سكاكر مص للحلق واذا راح صوتك

ادوية اسهال و امساك

مسكنات عامة ودواء حساسية

بالنهايه كلشي موجود بالسعودية بالصيدليات.

بطاقة ريفيلوت الفيزا شغالة و هيا مجانية لكن ، اذا دفعت اكثر من الف يورو بالشهر يصير ياخذون منك

1%

من كل عملية دفع انتبه على هالشي

بطاقة البنك النرويجية خبرني صديق الي الماني ( بعد ما عرف اني ما عملت تامين سفر ) ان فيها تأمين سفرة اذا دفعت اكثر من 50% عن طريقهم وهيا ترتبط بحسابك الخاص البنكي ع كلامه .

مارح اتطرق ل العمرة و مناسكنا لانه معروفة عند الجميع و تقدر تقراها من أماكن موثوقة اكثر .

من صباح ل المغرب ممنوع دخول غير المعتمرين الى صحن الطواف و بعد المغرب مسموح للجميع و في كثير ناس تاخذ قهوة و تمر و تروح بعد المغرب ع سطح المسجد الحرام و تقعد فيه (لا يوجد طواف فيه فقط صلاة)

العمرة تاخذ معك من ساعتين ل ٥ حسب الازدحام و الوقت و راقب هالشي عن طريق برامج العمرة.

نصيحة نصيحة اذا معاك اطفال خذ كرسي من خارج الحرم مجاني لانه اذا تعبم راح تتلبك فيهم و اذا معاك حدا كبير راح يرتاح نفسيا وجسديا

طبعا

تطبيق نسك مهم جدا لحجز عمرة و الأفضل تحجز عن طريقه واذا كانت معك زوجتك او اخوك لازم كل واحد يكون عنده تطبيق خاص به و يحجز لحاله

لحجز عمرة سهل جدا لكن ل زيارة الحبيب المصطفى و الصلاة في الروضة الشريفة لازم تحاول و تجرب و انتبه بس حجزت ع كلام شخص انه بيصير عندك منع ليومين او 3 بعدها تقدر تحجز (لست متأكد من هالكلام)

حجزت من مكة المكرمة الى المدينة المنورة عن طريق قطار الحرمين كان الحجز تقريبا 100 يورو لكل شخص بالغ و 50 للطفل ذهاب و اياب .

وصلت ساعة ١١ و اخذنا باص من محطة القطار ب المدينة المنورة الى الحرم النبوي الشريف 11.5 ريال للشخص البالغ

وصلنا الحرم النبوي وقت صلاة الظهر وربي اكرمني بالصلاة فيه و بعدها طلعت ع باب الروضة و حكيت مع شخص و حولني الى مكتب نسك و بعدها رحت ع رجل امني من رجال الشرطة و شرحت له الوضع الخاص بي انه نحن جايين من ألمانيا و التطبيق لا يحجز من ألمانيا و لما وصلنا المملكة ماكان في حجز

سالني اذا عملت عمرة عن طريق التطبيق و عن أجراءات العمرة اذا حدا سالني عن التطبيق و جاوبته انه ماحدا سال و اني كنت حاجز هالشي و في مثل شهادة هي ملف PDF انك اتممت العمرة و نحن جايين من مكة المكرمة و راجعين اليها اليوم مساء وشوفته بطاقات قطار الحرمين ذهاب و اياب ف ربنا بفضله اكرمنا و يسر امرنا و قالي استنا شوي وبعدها دخلني ع دور و دخلت وصليت بالروضة الشريفة و أوصلت السلام مني و من الاهل الى رسولنا الكريم وحبيبنا الحبيب و شفيعنا محمد صلى الله عليه وسلم .

المدينة المنورة غير مكة المكرمة و ان شاء الله راح تكون زيارة القادمة المدينة اكثر من مكة المكرمة.

اتفقت مع شخص عنده سيارة ل نعمل زيارة الى ألأماكن المقدسة التاريخية في المدينة المنورة نفس طريق باص هوب ان هوب اوف الي كان بفترة الظهيرة متوقف السعر للبالغين 80 ريال و للأطفال 40 ريال و اذا عيلة 200 ريال طفلين و بالغين

أخذت تكسي تيوتا SUV بمبلغ 120 ريال سعودي.

الشاب باكستاني لكن تولّد المدينة المنورة و صار مثل ما نقول دليل سياحي و كل الفترة يحكي لنا ع طريق كل مكان ندخل له و معلوماته ما شاء الله تبارك الرحمن

لكني انصح بالباص اكثر الا اذا كنت مثلي راجع بنفس اليوم .

تكسي الرجعة 30 ريال من الحرم النبوي الى محطة قطار الحرمين المدينة المنورة.

تكسي رجعة من محطة قطار الحرمين مكة الى الاوتيل 35 ريال .

منطقة العزيزية الأوتيلات و المحلات التجارية كثيرة و زحمة و أسعارهم رخيصة جداً وهي منطقة مناسبة للمعتمرين لكن الجودة عادية إلى متوسطة (حسب قدرة الشخص الشرائية)

الي يسكن فيها او راح يسكن فيها ينزل ب منطقة اسمها محبس الجن و منها في باصات ترددية توصلك ل الحرم

افضل شي الي يسكن بأوتيل يكون فيه توصيل ل محطة اجياد تكون قريبة ع حرم المكي .

مول مكة أسعارهم معقولة الى غالية وفيه مكان ل العاب اطفال مثل ترومبيلينو بيفتح ١٢ ظهرا و يسكر ١٠ بالليل

سعر التيكت يوم كامل 100ريال سعودي و اذا طفل صغير لازم يكون فيه مرافق و سعر الدخول للمرافق 25 ريال والي يكون غالبا الأب عشان الأم تعرف تتسوق ب هدوء .

لا أنصحك بالتسوق يوم خميس مساء لانه ثاني يوم يكون عطلة و اذا بدك تتسوق أنصحك ب منتصف الأسبوع

سعر غرام الذهب حوالي 62.5 € بالمدينه كان غير الصياغه.

لا تاكل نواشف نوع اكلك الك و ل اطفالك وجرب الأشياء الي غير متوفرة حلال بألمانيا

في مول جنب الاوتيل الي سكنا فيه اسمه دانكن أنصحكم فيه فواكه و خضروات و فرن مخبوزات تازه من لحم بعجين و بيتزا غير التمور وكل ما تتمناه

مطعم الرومانسية جيد جدا كان بمنطقة جبل عمر و القعدة لطيفه

مطعم أبو أسيد جيد كان لكن اذا تطلب على الاوتيل عن طريق برامج افضل و اريح الك ووفّر وقتك و مجهودك بالذهاب و الإياب.

إلى مطار جدة اخذنا قطار الحرمين و شفنا حوض السمك ما شاء الله و انبسطنا ضمنه بعدها طلعنا عن طريق باصات نقل 20 ريال للشخص البالغ الى مطار جدة الشمالي الي مخصصينه ل الطيران الأجنبي

سلّمنا الحقائب قبل 6 ساعات و الي استلم الحقائب يسر لنا امرنا و شحن لنا عبوتين ماء زمزم مخصصه للنقل الجوي بدون وزن خارج الحقائب اشترينا العبوة ب 8.5 ريال الي هي أجرة تغليف العلبة ل تكون مخصصة للطيران لأن ماء زمزم مجاناً .

اثناء التفتيش لم يتم التدقيق على عبوات الماء في الهاند باغ وهذا من فضل الله تعالى علينا و ليس قاعدة.

دخلنا السوق الحرة اكلنا عند مطعم البيك و في مكان مخصص للقعدة طاولات و كراسي و قبل ساعة ونص طلبت اكل ل ناخذه ع طيارة لانه حلال .

بالمطار في جامع و تقدر ترتاح فيه و تصلي ركعتين شكر قبل السفر

بالمطار السوق الحرة في بيع ماء زمزم بشكل غير نظامي للي ما قدر ياخذ معه عبوة مخصصة للسفر لكن صعب جداً تلاقي الي يبيعها.

أغلبية العمال من بنغلاديش و دول إسلاميه فقيرة و الخمسة ريال (1.25€) لا رح تفقرنا ولا تغنيهم لا تنسوهم من الصدقات .

مطار فيينا تعامل اكثر من جيد و سهولة أجراءات و طلعنا طلب تكسي 60€ لمحطة القطار و طلبت اوبر ب 31€ بدون بخشيش .

لما ترجع علبيت خذ معك شي تشربه ع طريق من سوبرماركت بيلا بلوس مع سلطات جاهزة للطريق وسلطات فواكه و في مطاعم سمك مثل Nordsee و بطاطا لانه رجعة كانت بدون توقفات طويلة (رحلة طويلة مباشرة توقف بين 2-حتى 6 دقايق فقط )

للأطفال العاب رسم تلوين تركيب سيارات صغيرة ايباد مع العاب اطفال مختلفة و نزلو كثير فيديوهات اطفال و بالرجعة حاولو تنزلون فيديوهات جديدة و العاب منشان ما يملون منكم .

(((الضرب ممنوع للأطفال بالمملكة العربية السعودية مثل ألمانيا )))

بالقطار السريع في شي اسمه

Familie Abteilung

هذا بيكون مخصص للعائلات و الحجز بيكون قبل وقت كثير جيد منشان الضجيج و ألأفضل منه هوا

Kinder Abteilung

هذا لسا بيكون كبين مغلق بين 4 ل 6 مقاعد مسكرة خاصة بس الطلب كثير عليهم .

رحلة طويلة لكن تمشي اذا نظمت الرحلة و تكلفة التذاكر

ذهاب 92€ درجة ثانية مع أربع مقاعد و طاولة

اياب 190 درجة أولى مع طاولة و اربع مقاعد.

الأسعار تختلف بين الدولتين ألمانيا و المملكة العربية السعودية لكن بشكل عام ارخص من ألمانيا.

ابحثوا عن طيران ل الدمام او الرياض ممكن تحصل طيران ب 13.24 € (مثال من فيينا الى الدمام )

بدون وزن فقط حقيبة ظهر صغيرة (شوف الصورة المرفقة) و اطلع طيران ع مدينة فيينا او اي مدينة فيها طيران ل المملكة و اشتري شنطة من المملكة العربية السعودية و عبيها أغراض ماتحب و تشتهي،

بعدها او جدة ونظم رحلة عودة الطيران مباشرة الى اقرب مطار اليك انت سيد ألإختيار.

الي بده يستأجر سيارة من المطار لازم يكون معه شهادة سياقة دولية من بلدٍ المنشأة ولكن لازم تحسب حساب انه في منطقة الحرمين او قريب منها البقاء للأقوى ،

لازم تكون متمكن جدا جدا جدا من السواقة لانه مافي التزام ب قوانين و قواعد السواقة و راح تشوف كثير سيارات عاملة حوادث و تحسب حساب انه اذا ما ضربت حدا ممكن حدا يضربك

Aber ,

للتنقل بين المدن و التسوق افضل للي معاه عيله و يمشي بهدوء .

الزيارة كانت سريعة و مضغوطة بسبب ظروف العطلة و العمل لكن ألأفضل لو كانت أطول وانصحكم ب عشرة أيام غير يوم السفر.

مواقع المولات راح حطهم مع الصور و الموقع

تجارب محتلفة ا للعمرة كتبت السيدة

Shahnaz Ed

· 

تجربتنا الأولى ل #العمرة

حابة اليوم شارككم تجربتنا برحلة السفر من أقصى جنوب غرب #ألمانيا إلى أجمل بقاع الأرض لتأديه #العمرة لأول مرة

و بتمنى تستفادوا من التفاصيل

بالبداية نحن عائلة معنا 3 اولاد و منحمل الجنسية الألمانية

مقيمين بألمانيا لقينا عرض طيران دايركت من فيينا لجدة على طيران wizz air بسعر 100 € على الشخص ذهاب وإياب فأخذناه من هنيك وحجزنا قطار كمان قبل بيوم من موعد الطيارة عرض بس على قطارات النمسا مو DB وغرفة فندق لننام ليلة بفيينا ومع كل هاد ضل السعر بيفرق كتير بالآلاف بالنسبة للعائلة عن الطيران من ألمانيا

ضروري بالبداية تحميل برنامج #نُسك لحجوزات العمرة وزيارة الروضة الشريفة وبرنامج bolt للتكاسي

ملاحظة ما نوينا العمرة بفيينا مع المعتمرين لأنه بدنا نروح المدينه بالأول وبعدين نرجع لمكة للعمرة

بداية طلعنا فيينا بالقطار قضينا ليلة بفندق حجزنا غرفة عائلية وبعدين الصبح سافرنا لجدة وعند وصولنا اشترينا دغري خطوط موبايلات ورحنا جدة ارتحنا وفطرنا وبعدين أخدنا تكسي من جدة للمدينه المنورة لأنه بالقطار السريع ممنوع تاخدوا شناتي السفر الكبيرة وبدها شحن لحالها فأخدنا تكسي دغري مع شناتينا

وصلنا المدينه المنورة وكان السكن بعيد عن #المسجدالنبوي بس ما دايقنا هالشي و رغم عجقة الشوارع وزحمة رمضان في أجواء رائعة بالمدينه سبحان الله

ممكن تقضوا الوقت بالمسجد النبوي و اتذكروا كل صلاة وعبادة فيه أجرها بألف صلاة

عند باب المسجد النبوي لقينا دليل سياحي معه سيارة عرض علينا ياخدنا جولة معالم المدينه المنورة ف رحنا معه موقع شهداء أحد و مسجد قباء و بئر رابغ و مزارع التمور وشرح لنا عن كل مكان ورجعنا

مساءً أمام ساحة المسجد النبوي بتلاقوا تكاسي واقفة بتاخد الناس مجاناً لبعض المولات وترجعهم وبياخدوا حسابهم من المول طلعنا و أخدونا مول ومنه اشترينا تياب الإحرام وكان كله موجود والأسعار متوسطة

و عند الفجر كان موعدنا لزيارة #الروضةالشريفة صلى الله عليه وسلم و حصراً عند باب 37 للنساء بعد الفجر

لما تكونوا بالمسجد النبوي والفندق تبعكم بعيد فيكم اذا حبيتوا تدخلوا اي فندق جنب الحرم وترتاحوا وتشربوا شي وتدخلوا الحمامات و لما بدكم بترجعوا تقعدوا بالمسجد النبوي

للمدينه المنورة روحانية غريبة خاصة فيها كان كل شي فيها هادئ وجميل وبتحسوا فيها كأنه مو قادر الواحد سبحان الله يتركها من جمالها

قعدنا 3 ايام بالمدينه مروا بلمح البصر وبعدها أخدنا تكسي لمكة المكرمة و عالطريق نزلنا ميقات آبار علي للإحرام للعمرة وكملنا على مكة و هنيك نزلنا كمان فندق بعيد عن الحرم لأنه الاسعار بالعشر الاخير فظيعة جنب الحرم بس ندمنا بصراحة لانه غلطة كبيرة كانت

جو مكة زحمة بشكل كبير وضغط رهيب و كنا مفكرين المواصلات سهلة بس بسبب العجقة صارت التكاسي اسعارها مرتفعة كتير و اذا فكرنا ناخد باصات الحرم كمان عجقة كتير مو مناسبة ابداً فضلينا عالتكاسي

أسواق مكة يلي قريبة من الحرم غالية كتير بس رحنا بمكة محل بشارع العزيزية قالولنا انه افضل و اهل مكة بيتسوقوا هنيك مكة و الاسعار مقبولة

رغم كل عجقة مكة سبحان الله الواحد بس يدخل الحرم وبيزور الكعبة بينسى كل شي برة خلص و بيلاقي حاله وصل للمكان يلي بيحط فيه كل آماله وسؤله بحياته وبيرمي همومه

مكة بدها صبر لأنه حتشوفوا فيها ناس أشكال و ألوان و أجناس وعقول مختلفة وبده الواحد يطول باله كتير ويتذكر انه بالمسجد الحرام العمل الصالح ب مئة ألف مضاعف وكذلك السيئة كمان

أكتر شئ ملفت للنظر بمكة بصراحة لازم الواحد يقوله هو طولة بال الشرطة السعودية ف بعض الجنسيات عندها معتقدات غريبة مثلاً لو عندهم ذنوب كتيرة و زاروا مكة أو المدينه وماتوا فيها حينغفر لهم ويدخلوا الجنة دغري خلص

لهيك بتتفاجئوا أنه في مين عم يحاول الانتحار من التوسعات بالحرم فاضطروا يحطوا حواجز و ناس تحاول تفتعل المشاكل و الازدحام قصداً ليوقعوا قال بدهم يموتوا فعس تحت الاقدام عقول غريبة سبحان الله

ورغم كل شي سبحان الله لمكة جمال و هيبة بيلامس القلوب

اذا بدكم تعملوا عمرة لغيركم كمان لازم تنووا عمرة لكل واحد لحال يعني ما بيصير واحدة لكذا شخص لهيك لما بدكم تعيدوها بتلاقوا عند الحرم تكاسي و تقلولهم ياخدوكم ميقات السيدة عائشة هاد ميقات أهل مكة وبتروحوا عليه تنووا الإحرام والعمرة وترجعوا للحرم

رجعنا من مكة لمطار جدة مباشرة و أخدنا مي #زمزم بس للأسف طيران Wizz رفض يسمحلنا نطلعهم لأنه تأشيراتنا

– فيزة سياحية – والمسموح فقط حصراً يلي معه تأشيرة عمرة وحتى ما رضيوا ندفع عليهم وزن زائد بدهم حصراً فيزة عمرة لنقدر ناخد معنا

– طيران Wizz مشهور بتأخيره لهيك انتبهوا بالرجعة عند حجوزاتكم يكون معكم وقت

ملاحظة مهمة كتير تكتبوا أرقام موبايلاتكم على ورقة وتحتفظوا فيها بجزدان صغير مع موبايلاتكم لأنه رغم كل انتباهنا تطفي موبايلاتنا و نضيع عن بعض ونروح للشرطة لترجع تجمعنا

ولأنه اولادي كبار الحمدلله كانت بسيطة بس يلي معه أطفال صغار ضروري يحملهم ورقة بأرقامهم ومعلوماتهم كاملة .

بتمنى تستفادوا من تجربتنا و نتمنى لكم رحلات سعيدة وموفقة

#السعودية#العمرة#دايركت#ألمانيا